Bilbon Euskaraz

Bilbon Euskaraz

Diru-laguntzak

Euskara ikasteko

Bizkaiko Foru Aldundiaren diru-laguntza

Xedea:

Euskara Eskura Txartela Bizkaiko Foru Aldundiko Euskara eta Kulturako Foru Sailaren ekinbidea da, bizkaitarren euskalduntzea sustatu eta doakotasuneranzko urratsak eman nahi dituena.

Txartela lortzeko nahitaezkoa da Bizkaian erroldatuta egotea.

Euskara Eskura Txartela pertsonala da eta onuradunak berak bakarrik erabil dezake. Euskara euskaltegi edo autoikaskuntzarako zentro homologaturen batean ikasten duten bizkaitarrak izan daitezke onuradun, baldin eta aurreko ikasturtean A1, A2, B1 edo B2 euskara-mailetako bat gainditu badute; hala, deskontu-bonua izango dute hurrengo ikasturterako.

Lau Euskara Eskura Txartel mota daude:

  • A1 motako Euskara Eskura Txartela, deskontu-bonurako eskubidea emango die maila hori gainditu eta egiaztatzen dutenei: gehienez 150 eurokoa izango da bonua.
  • A2 motako Euskara Eskura Txartela, deskontu-bonurako eskubidea emango die maila hori gainditu eta egiaztatzen dutenei: gehienez 200 eurokoa izango da bonua.
  • B1 motako Euskara Eskura Txartela, deskontu-bonurako eskubidea emango die maila hori gainditu eta egiaztatzen dutenei: gehienez 300 eurokoa izango da bonua.
  • B2 motako Euskara Eskura Txartela, deskontu-bonurako eskubidea emango die maila hori gainditu eta egiaztatzen dutenei: gehienez 400 eurokoa izango da bonua.

Euskara-mailak HABEk egiaztatuko ditu, HABEren Helduen Euskalduntzearen Oinarrizko Curriculumean ezarritako gaitasun-mailen ziurtagiriak eskuratzeko prozedurak ezartzen dituen Hezkuntza, Hizkuntza Politika eta Kulturako sailburuaren 2016ko azaroaren 23ko Aginduan ezarritakoaren arabera, eta ekimenaren oinarriekin bat; oinarriok berariaz onartu behar dira parte hartzeko eskabidea egiten denean.

Programa honetatik kanpo geratuko dira euskara ikasteko eta hizkuntzan trebatzeko ikastaroak administrazio publikoek finantzatuta egiten dituzten administrazio horietako langileak; orobat geratuko dira programa honetatik kanpo euskara-maila egiaztatzeari buruzko baldintza betetzen ez duten ikasleak (dela beste maila bat lortu eta egiaztatu dutelako, dela maila hori beste deialdi batean lortu dutelako, dela maila hori hizkuntza-eskola ofizialetan lortu dutelako —txanda askean edo ikasle ofizial gisa—, edo dela maila hori HABEren erregistroetan inskribatuta ez dauden zentroetan lortu dutelako).

Ikasleak lortutako ziurtagiria ez bada programa honetan araututako baldintzak eta betebehar guztiak bete ondoren lortu, ikasleak lortutako agiria eta agiria eman duen erakundea zehaztu beharko ditu. Euskara Eskura Txartelak metatu egin daitezke, baldin eta kasuan kasuko mailak horretarako zehaztutako deialdietan gainditu eta egiaztatu badira.

Erakundea: Bizkaiko Foru Aldundiko Euskara eta Kulturako Foru Saila.

Eskaera egiteko epea: uztailaren lehenengo asteak.

Eskaera egiteko lekua: www.bizkaia.eus/euskaratxartela.

Eskaerarako dokumentazioa: Errolda agiria. Eskaera egiten den egunean, Internetez egindako eskaerari errolda agiria eskaneatuta erantsi behar zaio. Bestela, ezingo da eskabidea osatu. Bilboko Udalaren web orrian erroldatze-agiria on-line eskatzeko sakatu hemen.

Txartela eskuratu: Irailetik aurrera www.bizkaia.eus/euskaratxartela helbidean. Egun zehatza irailean bertan zehaztuko da, ekimenaren webean.

Txartela erabiltzeko epeak: Euskara Eskura Txartela programari atxikitako euskaltegietan edo autoikaskuntzarako zentro homologatuetan erabil daiteke, matrikulazio-epea hasten denetik. Euskara Eskura Txartela behin bakarrik erabil daiteke; beraz, ikasleek ziurtatu behar dute azkenean matrikulatzen diren euskaltegian edo autoikaskuntzarako zentro homologatuan erabiltzen dutela bonua eta ez beste batean.

Informazioa: www.bizkaia.eus/euskaratxartela

2017ko deialdia

Erakundea: BFA

Zuretzat

Ba al zenekien?

Lagun Artean Kantari ekimena

Bilboko Kafe Antzokian hilero izaten da Lagun Artean Kantari ekimena. Zenbat Gara elkarteak antolatu ohi du ekimen hau eta sarri Anje Duhalde abeslariaren laguntza izaten dute.

Bilbao