Bilbon Euskaraz

Bilbon Euskaraz

Diru-laguntzak

Euskara ikasteko

Euskara ikasteko diru-laguntzak

Xedea:

Azalpena:

Diru-laguntza honen onuradunak hiru talde hauetako pertsonak dira:

1) umeen gurasoak eta legezko tutoreak:

Diru-laguntza honen helburu nagusia da euskararen erabilera sustatzea familia-eremuan. Zenbait kasutan, familia batzuetan, aitak edo amak edo biek hitz egiten dute euskaraz, baina beste batzuetan bietako inork ez daki. Hori dela-eta, haurra lehenengo aldiz euskara entzuten hasten da haurtzaindegian, 2 urte dituenean.

Egoera horri aurre egiteko, egokiena da hizkuntza ohiturak sendotzen joatea hasierako unetik; alegia, gurasoek ahalik eta azkarren hasi behar dute euskara ikasten. Seme-alabak hazi direnean, eta familiak hitz egiteko gaztelera erabiltzen duenean, oso zaila edo ia ezinezkoa izaten da hizkuntza ohiturak aldatzea eta familia euskaraz hitz egiten hastea.

2) Haur eta gazteen aisialdiko begiraleak eta haur eta gazteen kiroleko begirale eta entrenatzaileak edo titulazioa eskuratzeko ikasketak egiten ari direnak:

Kontuan izanda ume eta gazteen inguruan antolatutako aisialdiak duen garrantzia, diru-laguntza hau haur eta gazteen aisialdiko begiraleei eta haur eta gazteen kiroleko begirale eta entrenatzaileei edo titulazioa eskuratzeko ikasketak egiten ari direnei luzatu zaie, ume eta gazteekin duten harreman zuzenagatik.

3) Diru-sarrerak Bermatzeko Errenta jasotzen dutenak:

Biztanleriaren atal handi baten ekonomia eta lan egoera urriaren aurrean eta gizartearen eskaerari erantzunez, diru-laguntza hau Diru-sarrerak Bermatzeko Errenta jasotzen dutenei ere luzatu zaie, hau da, DBEren titularra eta bizikidetza unitatea osatzen duten pertsona onuradun guztiei.

Hartzaileak: Bilbon erroldatuta eta programaren baldintzak betetzen dituztenak, dagokien taldea kontuan izanda.

Deialdia: Deialdia Diru-laguntzen Datu Base Nazionalean (BDNS) argitaratzen da. Era berean, Bizkaiko Aldizkari Ofizialean deialdiaren laburpena argitaratzen da.

- BDNS (identif.): 341378
- BAO; 2017-04-18; 73 zk. 
- Informazio orria 
- 2017ko deialdiaren oinarriak (2016-2017 deialdia)

Dokumentazioa:

Dokumentazioa Euskara Zuzendariordetzan (Aznar eraikina, Venezuela plaza 2, 7), Herritarrei Laguntza Bulegoan (San Agustin eraikina, Erkoreka plaza 12) eta beherago azaldutako udaltegietan jaso daiteke.

Eskaerak aurkezteko epea: Deialdi honen Erabakiaren laburpena Bizkaiko Aldizkari Ofizialean argitaratzen den egunaren biharamunean hasitako hamabi astegun.

 

Eskaerak aurkezteko lekuak:

  • Erregistro Nagusian (San Agustin eraikina, Erkoreka plaza 12)
  • Erregistro deszentralizatuetan
    • Abandoko udaltegia (Barraincua kalea 5)
    • Basurtuko udaltegia (Zankoeta, 1)
    • Begoñako udaltegia (Club Deportivoren Zirko Amateur kalea 2)
    • Deustuko udaltegia (Agirre Lehendakariaren etorbidea 42)
    • Errekaldeko udaltegia (Altube zeharkalea 6)
    • Ibaiondoko udaltegia (Pilota kalea 10)
    • Txurdinagako udaltegia (Txomin Garat kalea 12-18)
    • Uribarriko udaltegia (Iturriondo plaza 4)
    • Zorrotzako udaltegia (Clara Campoamor kalea 1)

Bulegoak irekita egongo dira 08:30etik 14:00etara (Erregistro Nagusia, Herritarrei Laguntza Bulegoa, eguenetan 16:30etatik 19:30era ere bai).

Erakundea: Udala

Informazio gehiago: Euskara ikasteko diru-laguntza honek Euskara Sustatzeko ekintza planean (ESEP) ezarritako helburuak —hizkuntzaren jabekuntza, erabilera eta elikadura— oinarritzat hartzen ditu.

 

Erakundea: Udala

Oharra:

 

 

 

Zuretzat

Ba al zenekien?

Darabilbo

Darabilbo Bilboko Euskaltegi sareak eta Bilboko Udalak antolatutako egitasmo honek euskararen erabilera sustatzeko helburua du hilero antolatzen diren zenbait ekintzarekin: bisita gidatuak, dastaketak, tailerrak…

Bilbao