Bilbon Euskaraz

Bilbon Euskaraz

Egitasmoak

Bilboko Udalaren Euskara eta Hezkuntza Sailak 100 eurotan baloratutako joko-multzo bat eman du “Eman Giltza” ekimenaren barruan

2016-04-27

Koldo Narbaiza Bilboko Udalaren Euskara eta Hezkuntza zinegotziak sari bat eman du gaur “Eman Giltza” ekimenaren barruan. Kanpaina hori Alkarbiderekin lankidetzan egiten da eta Bizkaiko udalerri desberdinetan egiten da. Gurasoentzako kanpaina da, seme-alabei jaiotzen direnetik euskara transmititzeko garrantziaz sentsibilizatzeko.

Aurten, ekimen honetan ematen diren lau sarietatik bat Bilbon tokatu da. Aitor Celaya Salazar eta Ziortza Artetxe bilbotarrek 100 eurotan baloratutako joko-multzo bat jaso dute Euskara eta Hezkuntzako zinegotziaren eskutik.

Eman Giltza

Bilboko Udala aurrera doa “Eman Giltza” programarekin eta seme-alabaren bat izan duten familiei euskara belaunaldiz belaunaldi transmititzearen garrantziaz hitz egiten die.

Euskara Saila, euskarazko hezkuntzak guraso erdaldunengan sortzen duen kezkaz jabetuta, urtero bidaltzen die informazioa urtean jaiotako umeen familiei, Alkarbideren laguntzarekin, eta lehen unetik euskaraz komunikatzearen garrantzia zein den azaltzen die.

2015ean material didaktikoaren 2.490 lote bidali ziren helburu horrekin. Familia guztiei bidaltzen zaien informazioarekin batera daude hiztegitxo bat, ohiko esamoldeekin, eta jokoak eta abestiak jasotzen dituen DVD bat, gurasoek praktikan jarri ahal izateko.

Etxean euskaraz jolas daiteke umeekin, hizkuntzaren erabilera eta ikasketa motibatuz eta sendotuz. Familia da seme-alaben hazkuntzaren prozesuko protagonista, bai eta hizkuntzen ikasketa-prozesuko protagonista ere, horietako batzuk jakin ez arren. Euskaraz hazteko beharrezkoa da inguruak hizkuntza horretako pizgarriak eskaintzea umeak txikiak direnetik.

Programak webgunea dauka: www.emangiltza.eus . Bertan jasotzen dira euskararen transmisioa ziurtatzeko jarraibideak, tresnak eta aholkuak, Bai eta zalantzak edo kezkak argitzen dituzten gurasoen testigantzak ere.

Programak inkesta bat betetzera gonbidatzen du, gurasoen iritziekin ekimen berriak landu ahal izateko. Guraso horien ekarpena eskertzeko, opari batzuk zozkatzen dira inkestako laukitxo guztiak bete dituztenen artean. Aurten sari bat tokatu da Bilbon eta Aitor Celaya aitak eta Ziortza Artetxe amak 100 eurotan baloratutako joko-multzoa jaso dute.

erantzunak

   

Utzi zure erantzuna:

Izartxoaz (*) markaturiko datuak derrigorrez bete beharrekoak dira.

Egitasmoak

Zuretzat

Ba al zenekien?

Eztabaidak Literaturarekin

Bilboko Udaleko Kultura eta Hezkuntza Sailak Eztabaidak Literaturarekin izeneko ekimena du martxan. Ekimen horren baitan hilero zita berezia izaten da Bidebarrietako liburutegian.

atzera Iraila 2019 aurrera
      1
2345678
9101112131415
16171819202122
23242526272829
30      
Bilbao