Bilbon Euskaraz

Bilbon Euskaraz

Egitasmoak

Galdeketaun lehiaketa

Euskara Zuzendariordetzak, Notzeberri.com atari kulturalaren laguntzarekin batera, aplikazio mugikorraren formatua duen lehiaketa jarri du abian, gazteek euskaraz jardun dezaten. “Galdeketaun” du izena aplikazio berriak eta 12-17 urteko Bilboko gazteei zuzendutako ekimena da.
 

Ekimen horrekin, euskarazko tresnak baliatu nahi dira adin-tarte horretako gazteekin, hizkuntza ludiko moduan eta jakintzarako erabil dezaten euskara eta aplikazioa erakargarri eta atsegin bihurtu.
 

Bilbori buruzko test motako (galdera eta erantzuna) ausazko zenbait itaunek osatzen dute lehiaketa, kultura, kirola, artea, geografia, Bilbo bera eta Athletic-en inguruko galderak izango dira besteak beste. Parte-hartzaileak ahalik eta punturik gehien lortu behar ditu. Zenbat-nahi aldiz olgetako aukera ematen du hilabete bi iraungo duen lehiaketak. Puntuazio altuena lortzen duena sarituko da baina honez gain, bestelako sariak ere zozkatuko dira bertan parte hartzeagatik eta baita lehenengo hamarren artean geratzeagatik ere.
 

Zelan parte hartu
Jokoa “Google Play Store” aplikazio-dendatik jaitsi ahal izango da. Lehiatzen hasi aurretik, parte-hartzaileek erabiltzaile izena, telefonoa eta adina bakarrik adierazi behar dituzte erregistratzeko. Telefono-zenbakia izenari lotua izango da eta, hortaz, ezingo dute jolastu erabiltzaile batek baino gehiagok telefono-zenbaki berberarekin.
Lehiaketari buruzko informazioa guztia eta APP-a deskargatzeko esteka www.galdeketaun.biz web gunean aurkitu daiteke.
 

Hartzaileak: 12-17 urte bitarteko gazteak
 

Data: Abendutik otsailera
 

Oinarriak: Galdeketaun lehiaketa
 

SARIDUNAK

Albisteak

albiste gehiago

Zuretzat

Ba al zenekien?

Gaztea bazara, Harrapazank zuretzat da

Gazteen artean euskararen erabilera bultzatzeko eta kultur eskaintza berritzeko, Bilboko Udalaren Euskara, Gazteria eta Kirol Sailak urtero abian jartzen du dagoeneko sustraituta dagoen Harrapazank programa.

Bilbao