Bilbon Euskaraz

Bilbon Euskaraz

Egitasmoak

Ikusi eta ikasi

Ikusi eta Ikasi aisia, kultura eta heziketa uztartzen dituen kultur zirkuitua da, Bilboko haurrei euskaraz jostatzeko aukera eskaintzea helburu duena.

Eskaintza gustagarria izan dadin, zirkuituaren barruan era askotako kultur adierazpideak uztartuko dira: antzerkia, txotxongiloak, magia, zirkua, ipuin kontalariak… Kasu guztietan, berebiziko garrantzia eman zaie gizabidearekin eta aukera berdintasunarekin zerikusia duten baloreei.

Hartzaileak: 2 eta 8 urte tarteko umeak.

Data: Urtarrila-apirila.

 

 

Lekua:

  • Begoñako udaltegia: Club Deportivoren Zirko Amateurren kalea, 2.
  • Basurtuko Udaltegia: Zankoeta kalea 1
  • Deustuko Bidarte udaltegia: Agirre Lehendakariaren etorbidea, 42.
  • Castañoseko udaltegia: Castaños, 11.
  • Errekaldeko udaltegia: Altube zeharkalea, 6.
  • Abandoko udaltegia: Barrainkua, 5.
  • Santutxuko udaltegia: Remigio Gandasegi Monseñorearen kalea 6
  • Zorrotzako udaltegia: Hermogenes Rojo kalea 6
  • Epalza Alargunaren ikastetxea: Tiboli kalea, 5.
  • Juan Delmas ikastetxea: Zamakola kalea, 174.
  • Karmen Aretoa: Indautxu plaza z/g.
  • Bilborock aretoa: Mesedeetako kaia, 1.

Informazio osagarria:

Ikusi eta Ikasi Topagunea Euskara Elkarteen Federazioarekin batera antolatutako ekimena da, Euskara Sustatzeko Ekintza Planak (ESEP) ezarritako helburuak -hizkuntzaren transmisioa, kalitatea eta zerbitzugintza- oinarritzat hartzen dituena.

Helburua euskaraz aritzera animatzea da.

Zirkuiturako ekitaldiak arreta handiz aukeratu dira, eta gehienek ikusleen parte hartzea eskatzen dute, umeak ikusle soilak izatetik ikuskizunaren parte izatera pasa daitezen.

Ikuskizunez gain, zenbait tailer antolatzen dira guraso eta neska mutikoentzat familia osoaren parte hartzea bultzatzeko bai eta Jolasen Txokoa ere euskarazko mahai jolasak, jostailuak, ipuinak... ezagutzera emateko. Gurasoei zuzendutako orientazio hitzaldiak ere eskaintzen dira gaztelaniaz.

Ikuskizun eta tailer guztiak dohainik dira. Tailerretan parte hartzeko derrigorrezkoa da aurretik izena ematea www.ikusietaikasi.net gunean aurkituko duzuen izen-emate fitxa betez. Izen emate epea urtarrilaren 7tik aurrera izango da.

Albisteak

albiste gehiago

Informazio gehiago...

gehiago

Zuretzat

Ba al zenekien?

Komunikabideak

Komunikabideen inguruko informazioa behar izan ezkero, bada non kontsultatu aldizkari, egunkari eta irratien inguruko informazioa. Horretarako leku egokiena Bilboko Euskara Sailaren webguneko Komunikabideak atala da.

Bilbao